The Nigerian Pidgin Language New Testament



The Bible has been translated into Nigerian Pidgin Language (NPL)!

Here are portions of some books of the New Testament:


New Page 1

Jọn 3:16

 

Gọd laik pipul fọ wọld wẹl wẹl, na im mek Am giv Im ọnli Sọn, so dat ẹvri pẹsin wee put im trọst fọ Gọd Im Sọn nọ go dai, bọt go gẹt laif wee nọ go ẹva ẹnd.






New Page 2

Matiu 6:9-13

9. Sodiafọ, mek una de pree laik dis:

‘Awa Papa wee dee fọ hẹvun,

mek dẹm kiip Yọ nem holi.

 

10. Mek Yọ kindọm kọm.

Mek pipul de du wetin Yu want fọ wọld,

jọst laik dẹm de du am fọ hẹvun.

 

11. Mek Yu giv ọs di chọp wee wi niid fọ todee

an ẹvridee.

 

12. An mek Yu fọgiv ọs di bad tins wee wi dọn du,

jọst laik wi dọn fọgiv pipul wee du ọs bad tuu.

 

13. An mek Yu no lid ọs ẹnta wia enitin go trai

ọs so dat wi go du bad,

bọt mek Yu sev ọs an kọmọt ọs frọm

di Dẹvul wee  bi di Bad Pẹsin.

            [Na Yu gẹt di Kindọm, an di pawa, an di wọnda,

           fọẹva an ẹva. Amẹn.]






New Page 3

Jọn Chapta 17

 

Jizọs Pree Fọ Di Pipul wee de lẹn an fọlo Im wee

 

(Vas 1-26)

 

1. Afta Jizọs tọk dis tins finish, Im kọm luk ọp fọ hẹvun an Im tọk see, “Papa, taim dọn rich. Mek Yu sho pipul as Yọ Sọn tek dee wọndaful, so dat Yọ Sọn go sho pipul as Yu tek dee wọndaful.

 

2. Yu dọn giv Am pawa fọ kọntrol ọl pipul so dat Im go giv laif wee nọ go ẹva ẹnd to ọl pipul wee Yu giv Am.

 

3. An laif wee nọ go ẹva ẹnd na see, mek pipul no Yu wee bi di onli tru Gọd, an mek dẹm no Jizọs Kraist wee Yu dọn sẹnd.

 

4. A dọn sho pipul fọ wọld as Yu tek dee wọndaful. A dọn finish di wọk wee Yu giv Mi to du.

 

5. An nau, Papa, mek Yu mek Mi to gẹt ọnọ fọ Yọ frọnt, di sem ọnọ wee A gẹt wit Yu bifọ Yu mek di wọld.

 

6. A dọn mek di pipul wee Yu giv Mi frọm dis wọld to no Yu. Dẹm bi Yọ pipul, an Yu giv dẹm to Mi. Dẹm dọn du wetin Yu tẹl dẹm to du.

 

7. Nau dẹm no see ọl tins wee Yu giv Mi, na frọm Yu di tins kọm.

 

8. A dọn giv dẹm di mesej wee Yu giv Mi an dẹm risiv am. Dẹm no tru tru see na frọm Yu A kọm an dẹm biliv see na Yu sẹnd Mi.

 

9. A de pree fọ dẹm. Mi A nọ de pree fọ pipul fọ dis wọld, bọt fọ pipul wee Yu dọn giv Mi, bikọs di pipul wee Yu dọn giv Mi bi Yọ oon pipul.

 

10. Ọl pipul wee bi Ma oon bi Yọ oon. An ọl pipul wee bi Yọ oon bi Ma oon. Dẹm de sho as A tek dee wọndaful.

 

11. An nau, A no dee fọ dis wọld agen bikọs A de kọm to Yu. Bọt dẹm dee fọ dis wọld. Holi Papa, mek Yu luk afta dẹm wit di pawa ọf Yọ nem, wee bi di nem wee Yu giv Mi. Mek Yu luk afta dẹm so dat dẹm go dee tait wit ich ọda jọs laik Mi an Yu dee tait.

 

12. Wẹn A dee wit dẹm, A bin luk afta dẹm wit di pawa ọf Yọ nem, wee bi di nem wee Yu giv Mi. A bin kiip dẹm sef, an no wọn fọ insaid dẹm lọs, if nọ bi di wọn wee mọst to lọs, so dat di tin wee dẹm rait fọ insaid Gọd Im Holi Buk go bi tru.

 

13. An nau, A de kọm to Yu. A de tọk dis tins fọ insaid wọld so dat Ma pipul go dee hapi wẹl wẹl fọ insaid dẹm hat jọs laik Mi A dee hapi wẹl wẹl.

 

14. A dọn giv dẹm Yọ mẹsej, bọt pipul fọ dis wọld het dẹm bikọs dẹm nọ de du tins laik pipul fọ dis wọld de du tins, jọs laik Mi tuu nọ de du tins laik pipul fọ dis wọld de du tins.

 

15. Mi A nọ de pree mek Yu kọmọt dẹm fọ dis wọld, bọt mek Yu luk afta dẹm so dat di wọn wee dẹm de kọl di Bad Wọn nọ go du dẹm bad.

 

16. Dẹm nọ de du tins laik pipul fọ dis wọld de du tins, jọs laik Mi tuu nọ de du tins laik pipul fọ dis wọld de du tins.

 

17. Mek Yu mek dẹm to dee holi bai to yuz Yọ wọd wee bi tru.

 

18. Jọs as Yu sẹnd Mi to pipul insaid dis wọld, na so Mi tuu dọn sẹnd dẹm to pipul insaid dis wọld.

 

19. Bikọs ọf dẹm, A dọn giv Masẹf to Yu so dat dẹm tuu go giv dẹmsẹf to Yu tru tru.

 

20. A nọ de pree onli fọ dis wọns. Mi A de pree tuu fọ pipul wee go kọm trọst Mi bikọs ọf wetin dis wọns tẹl dẹm.

 

21. Papa, A de pree mek ọl ọf dẹm bi wọn. Mek dẹm dee tait wit ọs jọs as Yu dee tait wit Mi an A dee tait wit Yu. Mek dẹm dee tait as wọn, so dat pipul fọ wọld go biliv see na Yu sẹnd Mi.

 

22. Jọs as Yu mek Mi to dee wọndaful, na so Mi tuu dọn mek dẹm to dee wọndaful, so dat dẹm go dee tait togẹda jọs as Yu an Mi dee tait.

 

23. Mek A dee tait wit dẹm an Yu dee tait wit Mi, so dat dẹm go dee tait togẹda gọọn, an so dat pipul fọ dis wọld go no see na Yu sẹnd Mi an see Yu laik dẹm as Yu laik Mi.

 

24. Papa! Na Yu dọn giv Mi di pipul wee de lẹn an fọlo Ma wee, an A want mek dẹm dee wit Mi wia A go dee, so dat dẹm go sii as A tek dee wọndaful. Na Yu mek Mi to dee wọndaful bikọs Yu laik Mi bifọ Wi mek di wọld.

 

25. Papa, Yu de du kọrẹkt tin ẹvritaim. Pipul fọ dis wọld nọ no Yu, bọt Mi A no Yu, an dis wọns no see na Yu sẹnd Mi.

 

26. A mek dẹm to no Yu an A go kọntiniu to de mek dẹm to no Yu, so dat dẹm go laik ọda pipul jọs as Yu laik Mi, an so dat A go dee tait wit dẹm.






So... you've read these portions. What do you think?

Do you think the New Testament in NPL is God’s Blessing or a cheap imitation of Nigerian languages?

Share your thoughts on this issue by posting your comments below:

[ ? ]

Upload 1-4 Pictures or Graphics (optional)[ ? ]

 

Click here to upload more images (optional)

Author Information (optional)

To receive credit as the author, enter your information below.

(first or full name)

(e.g., City, State, Country)

Submit Your Contribution

 submission guidelines.


(You can preview and edit on the next page)

What Other Visitors Have Said

Click below to see contributions from other visitors to this page...

It was long overdue! Not rated yet
As an amateur linguist and a servant of God, I have taken particular interest in Nigerian Pidgin Language. Given the degree to which it serves as a medium …

Imprẹsiv! Not rated yet
A rilii dee imprẹsd wit di wee una rait Baibul fọ pijin More power to your elbows.

I think it's Awesome Not rated yet
I think its awesome because not every one really understands the original version, but I must say kudos to those that did the translation as long as they …

Click here to write your own.


Return from NPL New Testament : God's Blessing or Cheap Imitation of Nigerian languages to Mercy Christian Ministry Homepage